દિવાળીના તહેવારો પૂર્વે ખાદ્ય પદાર્થોમાં થતી ભેળસેળ અને નિયમોના ઉલ્લંઘન સામે મહારાષ્ટ્ર ફૂડ એન્ડ ડ્રગ એડમિનિસ્ટ્રેશન (FDA) દ્વારા રાજ્યવ્યાપી કડક ઝુંબેશ ચલાવવામાં આવી છે. આ કાર્યવાહી દરમિયાન જાણીતી બ્રાન્ડ્સ, સુપરમાર્કેટ્સ અને વેપારીઓ પાસેથી આશરે ૯ કરોડ રૂપિયાનો શંકાસ્પદ ખાદ્યસામગ્રીનો જથ્થો જપ્ત કરવામાં આવ્યો છે, જ્યારે ખાદ્ય સુરક્ષાના ધોરણો નેવે મુકનાર ૧૯ એકમોના લાઇસન્સ સસ્પેન્ડ કરી દેવાયા છે.
મુખ્ય પાસાં અને વિગતવાર અહેવાલ:
-
પતંજલિના ૨૦ લાખથી વધુની કિંમતનું ગાયનું ઘી જપ્ત:
-
FDAના સત્તાવાર અહેવાલ મુજબ છત્રપતિ સંભાજીનગરમાં પતંજલિ આયુર્વેદના સુપર ડિસ્ટ્રિબ્યુટર ‘M/s દિવ્ય મહાવિતારક’ ખાતેથી ગાયના ઘીના ૪,૦૩૨ યુનિટ (કિંમત રૂ. ૨૦.૨૦ લાખ) જપ્ત કરાયા છે.
-
પ્રાથમિક તપાસમાં આ જથ્થો ફૂડ સેફ્ટી એન્ડ સ્ટાન્ડર્ડ્સ એક્ટ, ૨૦૦૬ ની જોગવાઈઓના ભંગ બદલ સીઝ કરવામાં આવ્યો છે.
-
-
૧૯ એકમોના લાઇસન્સ સસ્પેન્ડ અને ડી-માર્ટમાંથી તેલ સીઝ:
-
અસ્વચ્છ વાતાવરણ, જીવાત નિયંત્રણનો અભાવ અને ફરજિયાત દસ્તાવેજોના અભાવ બદલ મુંબઈ, અમરાવતી અને સંભાજીનગરના ૧૯ નમકીન, મિઠાઈ તથા મસાલા ઉત્પાદકોના લાઇસન્સ/રજિસ્ટ્રેશન સસ્પેન્ડ કરાયા છે.
-
થાણેના ભિવંડી સ્થિત એવન્યૂ સુપરમાર્ટ્સ (D-Mart) માંથી ૧,૪૪,૨૧૮ કિલોગ્રામ ખાદ્ય તેલ જપ્ત કરાયું છે. આ સિવાય સાતારા અને સોલાપુરમાંથી અનાજ, કઠોળ અને તેલનો મોટાપાયે જથ્થો જપ્ત કરાયો છે.
-
-
કારવાઈનો આંકડો, ૧૩ FIR અને ધરપકડ:
-
૨૮ થી ૩૧ ઓક્ટોબર દરમિયાન ૧૭ એકમોમાંથી રૂ. ૭૯.૪૦ લાખની પ્રતિબંધિત વસ્તુઓ જપ્ત કરી ૧૩ FIR નોંધાઈ છે અને ૧૬ લોકોની ધરપકડ કરાઈ છે.
-
વિવિધ વિસ્તારોના ૩૪ હોટલ-ઢાબાનું ચેકિંગ કરી ૨૯ એકમોને સુધારા નોટિસ પાઠવવામાં આવી છે.
-
-
ટાટા 1mg, એમેઝોન અને ફ્લિપકાર્ટને નોટિસ:
-
FSSAI દ્વારા ‘ટાટા 1mg મરીન કોલેજન પાઉડર’ના લેબલિંગ અને ગ્રાહકોને ભ્રમિત કરતી જાહેરાતો બદલ ટાટા 1mg, ACFO ફાર્મા, એમેઝોન અને ફ્લિપકાર્ટ ને કારણદર્શક નોટિસ પાઠવી ૩૦ દિવસમાં જવાબ માંગવામાં આવ્યો છે.
-
