72મા રાષ્ટ્રીય ફિલ્મ એવોર્ડ સમારોહને લઈને મોટો નિર્ણય સામે આવ્યો છે. સામાન્ય રીતે દિલ્હીમાં યોજાતો આ સમારોહ હવે ગુજરાતના કેવડિયા એટલે કે એકતા નગરમાં યોજાશે. 22 સપ્ટેમ્બર 2026ના રોજ રાષ્ટ્રપતિ દ્રૌપદી મુર્મુ વિજેતાઓને એવોર્ડ એનાયત કરશે.
55 વર્ષ બાદ ફરી દિલ્હીની બહાર સમારોહ
રાષ્ટ્રીય ફિલ્મ એવોર્ડ સમારોહ દિલ્હીની બહાર યોજાવાનો આ પહેલો પ્રસંગ નથી. 1971માં 17મો રાષ્ટ્રીય ફિલ્મ એવોર્ડ સમારોહ ચેન્નાઈમાં યોજાયો હતો. હવે 2026માં ગુજરાતમાં સમારોહ યોજાઈ પરંપરામાં ફરી એક વખત બદલાવ આવ્યો છે.
આ ફિલ્મો અને કલાકારોને એવોર્ડ
72મા રાષ્ટ્રીય ફિલ્મ એવોર્ડની વિજેતાઓની યાદી અગાઉ જાહેર થઈ ચૂકી છે.
- શ્રેષ્ઠ ફીચર ફિલ્મ: ‘આર્ટિકલ 370’
- શ્રેષ્ઠ અભિનેત્રી: યામી ગૌતમ
- શ્રેષ્ઠ અભિનેતા: મામૂટી અને કાર્તિક આર્યન
- શ્રેષ્ઠ નવોદિત દિગ્દર્શક: રણદીપ હુડ્ડા
- લોકપ્રિય મનોરંજન ફિલ્મ: ‘કલ્કી 2898 એડી’
- રાષ્ટ્રીય-સામાજિક-પર્યાવરણીય મૂલ્યો માટે શ્રેષ્ઠ ફિલ્મ: ‘કેપ્ટન મિલર’
એકતા નગરમાં યોજાશે સમારોહ
કેવડિયાનું નામ બદલીને એકતા નગર કરવામાં આવ્યું છે. અહીં સરદાર વલ્લભભાઈ પટેલની સ્ટેચ્યુ ઓફ યુનિટી આવેલી છે. 597 ફૂટ ઊંચી આ પ્રતિમાનું અનાવરણ 2018માં વડાપ્રધાન નરેન્દ્ર મોદીએ કર્યું હતું.
ગુજરાતમાં રાષ્ટ્રીય ફિલ્મ એવોર્ડનું આયોજન થવાથી રાજ્ય માટે આ એક મહત્વપૂર્ણ સાંસ્કૃતિક અને રાષ્ટ્રીય સ્તરની ઘટના બની રહેશે.
