એશિયન પેરા ગેમ્સ ૨૦૨૬: ભારતીય ખેલાડીઓનો શાનદાર પ્રારંભ; પહેલા જ દિવસે ૪ ગોલ્ડ સહિત ૧૧ મેડલ જીતવા બદલ વડાપ્રધાન મોદીએ પાઠવ્યા અભિનંદન

એશિયન પેરા ગેમ્સ: ભારતના મેડલ પર PM મોદીની હૃદયસ્પર્શી પ્રતિક્રિયા વાયરલ

એશિયન પેરા ગેમ્સ ૨૦૨૬ ના પ્રથમ દિવસે જ ભારતીય ખેલાડીઓએ શાનદાર પ્રદર્શન કરતા કુલ ૧૧ મેડલ પોતાના નામે કર્યા છે. આ વિજયી શરૂઆતમાં ભારતે ૪ ગોલ્ડ, ૩ સિલ્વર અને ૪ બ્રોન્ઝ મેડલ જીતીને દેશનું ગૌરવ વધાર્યું છે. એથ્લેટિક્સમાં ત્રણ અને શૂટિંગમાં એક એમ કુલ ચાર ગોલ્ડ મેડલ દેશની ઝોળીમાં આવ્યા છે. રિંકુ હુડા, સૌમ્યા, નિષાદ કુમાર અને મોના અગ્રવાલે દેશ માટે સુવર્ણ ચંદ્રક જીત્યા છે. વડાપ્રધાન નરેન્દ્ર મોદીએ તમામ વિજેતા ખેલાડીઓની સિદ્ધિને બિરદાવતા સોશિયલ મીડિયા પર હૃદયસ્પર્શી પ્રતિક્રિયા આપી છે.

પીએમ મોદી દ્વારા ખેલાડીઓને પાઠવવામાં આવેલી શુભેચ્છાઓની મુખ્ય વિગતો:

• રિંકુ હુડા (ગોલ્ડ મેડલ – ભાલા ફેંક F46): પુરુષોની ભાલા ફેંક F46 શ્રેણીમાં ૬૫.૧૧ મીટરના શાનદાર થ્રો સાથે (આ સિઝનનું સર્વશ્રેષ્ઠ પ્રદર્શન) ગોલ્ડ મેડલ જીતનાર રિંકુ હુડાને અભિનંદન આપતા પીએમ મોદીએ જણાવ્યું કે તેમની શિસ્ત અને સમર્પણ ઉત્કૃષ્ટ છે.

• અજિત સિંહ (સિલ્વર મેડલ – ભાલા ફેંક F46): ભાલા ફેંક F46 ઇવેન્ટમાં જ ઉત્કૃષ્ટ કૌશલ્ય અને સ્પર્ધાત્મક ભાવના દર્શાવીને સિલ્વર મેડલ જીતનાર અજિત સિંહની પ્રશંસા કરી વડાપ્રધાને તેમને ભવિષ્યના પ્રયાસો માટે શુભકામનાઓ પાઠવી છે.

• રવિ કાર્તિકે બુડિગીના (સિલ્વર મેડલ – સ્વિમિંગ S13): પુરુષોની ૧૦૦ મીટર ફ્રી સ્ટાઇલ S13 ઇવેન્ટમાં સિલ્વર મેડલ જીતનાર રવિ કાર્તિકેના દૃઢ નિશ્ચય, સખત મહેનત અને ખેલદિલીને બિરદાવતા આ ક્ષણને સમગ્ર રાષ્ટ્ર માટે ગર્વની ક્ષણ ગણાવી છે.