2 કલાક પેહલા
- કૉપી લિંક
PM નરેન્દ્ર મોદીએ રવિવારે નવી દિલ્હીમાં કોમનવેલ્થ ગેમ્સ 2026માં ભારત માટે મેડલ જીતનાર ખેલાડીઓ સાથે પોતાના નિવાસસ્થાને મુલાકાત કરી. આ દરમિયાન પીએમ મોદીએ ખેલાડીઓ પાસેથી તેમના અનુભવો જાણ્યા અને તેમની સિદ્ધિઓની પ્રશંસા કરી. ખેલાડીઓ સાથે થયેલી આ મુલાકાતનો વીડિયો સોમવારે યુટ્યુબ પર લાઇવ કરવામાં આવ્યો.
વાતચીતની શરૂઆતમાં પ્રધાનમંત્રી નરેન્દ્ર મોદીએ કહ્યું કે, છેલ્લા 10-12 વર્ષમાં જો હું આ નિવાસસ્થાને નિયમિતપણે કોઈને મળ્યો હોઉં, તો તે ખેલાડીઓ છે. 10-12 વર્ષમાં ખેલાડીઓની સખત મહેનત, સતત સફળતા અને નવી ઊંચાઈઓને સ્પર્શવાની પરંપરાએ દેશનું ગૌરવ વધાર્યું છે.
મેં મારો મેડલ ગુરુને ભેટ આપ્યો – દિલીપ
પેરા એથ્લીટ દિલીપ મહાદુ ગાવિતે પોતાનો મેડલ પોતાના ગુરુને સમર્પિત કર્યો. તેમણે કહ્યું કે, ઇવેન્ટના દિવસે ગુરુ પૂર્ણિમા હતી અને મેં મારા ગુરુને આ મેડલ ભેટ તરીકે આપ્યો. દિલીપે પુરુષોની પેરા T47 કેટેગરીની 100 મીટર રેસમાં 10.71 સેકન્ડનો સમય કાઢીને પ્રથમ સ્થાન મેળવ્યું હતું.
પહેલા પણ ખેલાડીઓને મળી ચૂક્યા છે મોદી
બોક્સરોએ સૌથી વધુ મેડલ જીત્યા
ભારતના 39 પદકોમાં સૌથી મોટો ફાળો બોક્સિંગનો રહ્યો. બોક્સરોએ 7 ગોલ્ડ અને 3 સિલ્વર સહિત કુલ 10 મેડલ જીત્યા. એટલે કે દર ચારમાંથી એક મેડલ બોક્સિંગમાંથી આવ્યો. એથ્લેટિક્સમાં 10 મેડલ આવ્યા, પરંતુ તેમાં ગોલ્ડ મળ્યો નહીં. વેઈટલિફ્ટિંગમાંથી 8, પેરા એથ્લેટિક્સમાંથી 6, જુડોમાંથી 4 અને પેરા પાવરલિફ્ટિંગમાંથી 1 મેડલ મળ્યો. કુલ મળીને 39માંથી 37 પદક માત્ર પાંચ રમતોમાંથી આવ્યા.
