ભારતીય એથ્લેટ શાહનવાઝ ખાને રવિવારે અમેરિકાના યુજીનમાં ચાલી રહેલી અંડર-20 વર્લ્ડ એથ્લેટિક્સ ચેમ્પિયનશિપની લોંગ જમ્પમાં બ્રોન્ઝ મેડલ જીત્યો. તેણે ફાઇનલમાં ત્રીજા રાઉન્ડમાં 7.84 મીટરનો કૂદકો લગાવીને પોડિયમ સ્થાન હાંસલ કર્યું. 18 વર્ષીય શાહનવાઝ આ ચેમ્પિયનશિપમાં મેડલ જીતનાર ત્રીજો ભારતીય છે. તે પહેલા શનિવારે આશિષ યાદવે જેવલિન થ્રોમાં અને બાસંત કુમાર મેઘવાલે હાઈ જમ્પમાં સિલ્વર જીત્યો. ત્રીજા રાઉન્ડમાં 7.84 મીટરનો કૂદકો એથ્લેટિક્સ ફેડરેશન ઓફ ઇન્ડિયાએ રવિવારે પોસ્ટ કરીને લખ્યું, શાહનવાઝે બ્રોન્ઝ મેડલ જીત્યો. ફેડરેશને આગળ લખ્યું કે, આ એક સંઘર્ષપૂર્ણ સ્પર્ધા હતી. શરૂઆતમાં પાછળ રહ્યા પછી શાહનવાઝે પૂરી તાકાત લગાવી. તેણે ત્રીજા રાઉન્ડમાં શાનદાર 7.84 મીટરની છલાંગ લગાવી અને પાંચમા રાઉન્ડમાં 7.83 મીટર સાથે તેને મજબૂત કરી. ઇટાલીના ઇન્જોલીએ જીત્યો ગોલ્ડ ઇટાલીના ઇન્જોલીએ 7.97 મીટરની છલાંગ સાથે ગોલ્ડ અને ઓસ્ટ્રેલિયાના મેકગ્રોડરે 7.96 મીટર સાથે સિલ્વર મેડલ જીત્યો. બસંત મેઘવાલે હાઈ જમ્પમાં સિલ્વર જીત્યો આ પહેલા બસંત કુમાર મેઘવાલે હાઈ જમ્પમાં પોતાના શ્રેષ્ઠ પ્રદર્શન સાથે સિલ્વર મેડલ જીત્યો હતો. રાજસ્થાનના શ્રીગંગાનગર જિલ્લાના અનૂપગઢ શહેરના 19 વર્ષીય મેઘવાલે 2.21 મીટરની ઊંચાઈ પાર કરી હતી. તેણે ચેમ્પિયનશિપના ચોથા અને અંતિમ દિવસના એક દિવસ પહેલા શનિવારે આ સિદ્ધિ હાંસલ કરી. આ 2.21 મીટરની છલાંગ તેના કારકિર્દીનું અત્યાર સુધીનું સર્વશ્રેષ્ઠ પ્રદર્શન હતું. અલ્જીરિયાના યુનેસ અયાચીએ ગોલ્ડ અને ગ્રેટ બ્રિટનના ઓટિસ પૂલે બ્રોન્ઝ મેડલ જીત્યો.
