ગુજરાત સહિત દેશભરમાં ખાંડના ભાવમાં તીવ્ર ઉછાળો જોવા મળી રહ્યો છે. મિલોમાં ખાંડનો ઘટી રહેલો સ્ટોક, ઇથેનોલ ઉત્પાદન માટે શેરડીનો વધતો ઉપયોગ અને આગામી તહેવારોને કારણે વધી રહેલી માંગને પગલે ભાવ આસમાને પહોંચ્યા છે. તહેવારોની સિઝનમાં જો પુરવઠો સામાન્ય નહીં થાય તો ગ્રાહકો અને મીઠાઈ ઉત્પાદકોએ વધુ મોંઘી ખાંડ ખરીદવી પડશે.
ગુજરાતમાં હાલના અને સંભવિત ભાવ
-
સામાન્ય ખાંડ: વર્તમાન ભાવ પ્રતિ કિલો ₹60 સુધી પહોંચ્યો છે.
-
રિફાઇન્ડ ખાંડ: પ્રતિ કિલો ₹65 ના ભાવે વેચાઈ રહી છે.
-
તહેવારોમાં સંભવિત ભાવ: જો પુરવઠો નહીં વધે તો આગામી તહેવારોની મોસમમાં સામાન્ય ખાંડનો ભાવ પ્રતિ કિલો ₹70 સુધી પહોંચવાની આશંકા છે.
ભાવ વધવાના મુખ્ય કારણો
-
સ્ટોકમાં ઘટાડો: મિલોમાંથી બજારમાં આવતો ખાંડનો પુરવઠો સતત ઘટી રહ્યો છે.
-
ઇથેનોલ ઉત્પાદન: શેરડીનો મોટો જથ્થો ઇથેનોલ બનાવવા માટે વપરાઈ રહ્યો છે, જેના કારણે ખાંડના ઉપલબ્ધ જથ્થા પર દબાણ વધ્યું છે.
-
તહેવારોની માંગ: આગામી દિવસોમાં લાડુ, પેંડા અને બરફી જેવા મીઠાઈ ઉત્પાદનો માટે ખાંડની માંગ ખૂબ જ વધવાની છે.
સ્થિતિ નિયંત્રિત કરવા સરકારના પગલાં
-
સ્ટોક મર્યાદા ઘટડી: કેન્દ્ર સરકારે જથ્થાબંધ વપરાશકર્તાઓ માટે સ્ટોક રાખવાની મર્યાદા ઘટાડીને 15 દિવસ કરી દીધી છે, જેથી કૃત્રિમ અછત કે કાળાબજારી અટકે.
-
મિલોને કડક સૂચના: મિલોને પોતાનો સ્ટોક સાત દિવસની અંદર બજારમાં લાવવા આદેશ અપાયો છે.
-
ડ્યુટી-ફ્રી આયાત પર વિચાર: દેશમાં પુરવઠો જાળવી રાખવા માટે કેન્દ્ર સરકાર ડ્યુટી-ફ્રી ખાંડની આયાત કરવા પર પણ વિચારણા કરી રહી છે.
