ઉત્તર પ્રદેશના કાનપુરમાં ગંગા કિનારે આવેલા નત્થૂપુરવા ગામ નજીક ગુરુવારે બપોરે એક ખાનગી કંપનીનું ટ્વિન એન્જિન તાલીમી વિમાન ક્રેશ થઈને જમીન પર પછડાતાં મોટી દુર્ઘટના સર્જાઈ છે. આ અકસ્માતમાં એક પાયલટનું ઘટનાસ્થળે જ કરુણ મોત નીપજ્યું છે, જ્યારે કો-પાયલટ ગંભીર રીતે ઘાયલ થયો છે.
દુર્ઘટનાનો ઘટનાક્રમ
-
ધડાકા સાથે ક્રેશ: નિયમિત ઉડાન દરમિયાન અચાનક વિમાનમાં જોરદાર ધડાકો થયો હતો અને તે અનિયંત્રિત થઈને ગંગા બેરેજ નજીકના ખેતરોમાં તૂટી પડ્યું હતું.
-
સ્થાનિકોમાં અફરાતફરી: અવાજ સાંભળીને ગ્રામજનો દોડી આવ્યા હતા. વિમાન પછડાતાં તેનો કૂચડો વળી ગયો હતો.
રાહત કામગીરી અને તપાસ
-
રેસ્ક્યૂ: ગ્રામજનોની મદદથી પોલીસે મલબામાંથી ગંભીર રીતે ઘાયલ કો-પાયલટને બહાર કાઢી તાત્કાલિક સારવાર અર્થે હોસ્પિટલ ખસેડ્યો છે.
-
તપાસ શરૂ: એન્જિનમાં ટેકનિકલ ખામી સર્જાઈ હતી કે અન્ય કોઈ કારણ હતું, તેની ટેકનિકલ ટીમો દ્વારા તપાસ શરૂ કરવામાં આવી છે. બ્લેક બોક્સ અને મલબાની તપાસ બાદ આખરી કારણ સ્પષ્ટ થશે.
