ભોજપુરી અભિનેત્રી આમ્રપાલી દુબેએ ‘Bigg Boss 20’માં એન્ટ્રી સાથે જ પોતાનું વલણ સ્પષ્ટ કરી દીધું છે. લગભગ 15 વર્ષ બાદ ટીવી પર પરત ફરેલી અભિનેત્રીનું કહેવું છે કે તે ઘરમાં પોતાની વાત ખુલ્લેઆમ રજૂ કરશે અને ખોટાને ખોટું કહેવામાં પાછળ નહીં હટે.
‘સાચું હશે તો સાચું, ખોટું હશે તો ખોટું’
આમ્રપાલી દુબેના જણાવ્યા મુજબ તે બિગ બોસના ઘરમાં પોતાની અનફિલ્ટર્ડ પર્સનાલિટી દર્શાવવા માંગે છે. પરિસ્થિતિ ગમે તેવી હોય, તે પોતાની વાત સ્પષ્ટ રીતે રજૂ કરશે.
ભોજપુરી સિનેમા અંગે મર્યાદા ન ઓળંગવા ચેતવણી
નેશનલ પ્લેટફોર્મ પર ભોજપુરી ઈન્ડસ્ટ્રીનું પ્રતિનિધિત્વ કરતી આમ્રપાલીએ કહ્યું કે યોગ્ય સવાલોના જવાબ આપવા તે તૈયાર છે, પરંતુ માતૃભાષા કે ભોજપુરી સિનેમાના અપમાનને સ્વીકારશે નહીં. ચરિત્ર પર આક્ષેપ કે અપમાનજનક ટિપ્પણીની સ્થિતિમાં તે ચૂપ નહીં રહે તેવી ચેતવણી પણ આપી છે.
આ સ્પર્ધકો સાથે જોવા મળશે
શોમાં આમ્રપાલી દુબે ઉપરાંત કનિકા માન, માહી વિજ, આસિફ ખાન, અરીશ્ફા ખાન, સ્કાઉટ ઓપી, કાઝી તૌકીર, યંગ ડીએસએ અને એમસી મેરી કોમ સહિતના સ્પર્ધકો જોવા મળી રહ્યા છે.
