કેન્દ્રીય કેબિનેટની આર્થિક બાબતોની સમિતિએ રવિ માર્કેટિંગ સીઝન ૨૦૨૭-૨૮ માટે ઘઉં સહિત ૬ મુખ્ય રવિ પાકોના લઘુત્તમ ટેકાના ભાવ (MSP)માં વધારાને મંજૂરી આપી દીધી છે. સરકારના આ નિર્ણયથી ગુજરાત સહિત દેશભરના ખેડૂતોને તેમના પાકના પોષણક્ષમ અને વધુ સારા ભાવ મળી રહેશે.
સરકારે કઠોળ અને તેલીબિયાંના વાવેતરને પ્રોત્સાહન આપવાના હેતુથી કુસુમ અને સરસવ જેવા પાકોના ટેકાના ભાવમાં સૌથી વધુ વધારો કર્યો છે. આ વધારો ૨૦૧૮-૧૯ના બજેટ આધારિત ઉત્પાદન ખર્ચ કરતા ઓછામાં ઓછો ૧.૫ ગણો પ્રોફિટ માર્જિન આપવાના નિયમ મુજબ કરવામાં આવ્યો છે.
પાકવાર MSP વધારા અને ખરીદીના મુખ્ય મુદ્દાઓ:
-
MSPમાં પ્રતિ ક્વિન્ટલ કરાયેલો વધારો:
-
કુસુમ (Safflower): ₹૬૭૫ નો સૌથી વધુ વધારો.
-
સરસવ અને રેપસીડ: ₹૪૧૩ નો વધારો.
-
મસૂર: ₹૩૯૦ નો વધારો.
-
જવ: ₹૧૩૬ નો વધારો.
-
ચણા: ₹૮૩ નો વધારો.
-
ઘઉં: ₹૨૫ નો વધારો.
-
-
ખેડૂતોને ઉત્પાદન ખર્ચ પર અંદાજિત નફો: ઘઉંમાં ૧૦૬%, સરસવ-રેપસીડમાં ૯૬%, મસૂરમાં ૯૨%, ચણામાં ૫૯%, જવમાં ૫૮% અને કુસુમમાં ૫૦% સુધીનો ફાયદો મળશે.
-
સરકારી ખરીદી અને ચુકવણીમાં મોટો ઉછાળો:
-
૨૦૧૪-૧૫ થી ૨૦૨૫-૨૬ વચ્ચે ૩,૭૧૫ લાખ મેટ્રિક ટન ઘઉંની સરકારી ખરીદી કરાઈ (જે ૨૦૦૪-૧૪ ના દાયકામાં ૨,૨૫૪ LMT હતી).
-
ઘઉંના ખેડૂતોને ચૂકવણી ₹૨.૫૬ લાખ કરોડથી વધીને ₹૭.૩૧ લાખ કરોડ સુધી પહોંચી છે.
-
૬ રવિ પાકોના ખેડૂતોને કરાયેલી કુલ ચૂકવણી ₹૨.૬૫ લાખ કરોડથી વધીને ₹૮.૩૬ લાખ કરોડ થઈ ગઈ છે.
-
આ નિર્ણયથી ખેડૂતો માત્ર પરંપરાગત અનાજ જ નહીં, પરંતુ કઠોળ અને તેલીબિયાં જેવા વધુ નફાકારક પાકોની ખેતી તરફ પ્રોત્સાહિત થશે.
