આરોગ્ય અને સ્વાસ્થ્ય: સવારે ઊઠતાં જ ગળામાં ખરાશ અને શરદીની તકલીફ? પ્રદૂષણ અને એલર્જીથી બચવા અપનાવો આ ૫ બિનહાનિકારક ઘરેલું ઉપાયો

સવારે ઊઠતાં જ ગળામાં ખરાશ અને શરદી જેવી તકલીફ થાય છે ? આ 5 ઉપાય અપનાવો

બદલાતી ઋતુ અને હવામાં વધતા પ્રદૂષણના કારણે ઘણા લોકોને સવારે ઊઠતી વખતે ગળામાં ખરાશ, હળવી ઉધરસ, ગળામાં સોજો કે છીંકો આવવાની સમસ્યા સર્જાય છે. હવામાં રહેલા અતિસૂક્ષ્મ પ્રદૂષક કણો અને એલર્જન્સ શ્વાસ વાટે શરીરમાં જવાથી ગળા અને શ્વાસનળીમાં બળતરા કે સોજો આવી શકે છે. સમયસર સાવચેતી અને ઘરગથ્થુ સંભાળ રાખવાથી આ તકલીફમાંથી રાહત મેળવી શકાય છે.

ગળાની ખરાશ અને શરદીમાં રાહત મેળવવાના ૫ સરળ ઉપાયો:

1. હૂંફાળું પાણી અને મધનું સેવન: સવારે ઊઠીને નવશેકું (હૂંફાળું) પાણી પીવાથી ગળામાં જમા થયેલો કફ સાફ થાય છે. હૂંફાળા પાણીમાં મધ ઉમેરીને પીવાથી ગળાની બળતરા અને ઉધરસમાં તાત્કાલિક શાંતિ મળે છે.

2. મીઠાના પાણીના કોગળા (ગરગરા): એક ગ્લાસ નવશેકા પાણીમાં અડધી ચમચી મીઠું ઉમેરીને દિવસમાં ૨ થી ૩ વાર ગરગરા કરવાથી ગળાની ખરાશ અને સોજામાં ઝડપી રાહત મળે છે.

3. હળદરવાળું દૂધ: દૂધમાં હળદર ઉકાળીને રાત્રે અથવા સવારે પીવાથી શરીરની રોગપ્રતિકારક શક્તિ વધે છે અને ગળાનો ઈન્ફેક્શન ઓછો થાય છે.

4. માસ્કનો ઉપયોગ: બહાર નીકળતી વખતે માસ્ક પહેરવો અત્યંત જરૂરી છે. માસ્ક હવામાં રહેલા સૂક્ષ્મ પ્રદૂષક કણો (PM 2.5) અને ધૂળને શ્વાસમાં જતાં અટકાવે છે.

5. ઘરનું વાતાવરણ સ્વચ્છ રાખવું: પ્રદૂષણ વધારે હોય તેવા સમયે ઘરની બારી-બારણાં બંધ રાખવાં અને શક્ય હોય તો ઘરમાં એર પ્યુરિફાયરનો ઉપયોગ કરવો.