દક્ષિણ આફ્રિકાના ભૂતપૂર્વ કેપ્ટન અને અનુભવી ઓપનિંગ બેટ્સમેન ડીન એલ્ગરે તમામ પ્રકારના વ્યાવસાયિક ક્રિકેટમાંથી સન્યાસ લેવાની જાહેરાત કરી છે. એલ્ગર હાલમાં ઇંગ્લેન્ડની કાઉન્ટી ચેમ્પિયનશિપમાં એસેક્સ (Essex) ટીમ માટે રમી રહ્યો છે અને તે 2026 કાઉન્ટી સીઝન પૂરી થયા બાદ ક્રિકેટને અલવિદા કહેશે.
આંતરરાષ્ટ્રીય કારકિર્દી અને નિવૃત્તિ
-
ઇન્ટરનેશનલ ડેબ્યૂ અને વિદાય: ૨૦૧૨માં આંતરરાષ્ટ્રીય ડેબ્યૂ કરનાર એલ્ગરે જાન્યુઆરી ૨૦૨૪માં કેપટાઉનમાં ભારત સામે પોતાની અંતિમ આંતરરાષ્ટ્રીય ટેસ્ટ મેચ રમી હતી.
-
ટેસ્ટ ક્રિકેટ: ૮૬ ટેસ્ટ મેચની ૧૫૨ ઇનિંગ્સમાં ૩૭.૯૨ ની સરેરાશથી ૫,૩૪૭ રન બનાવ્યા (૧૪ સદી અને ૨૩ અડધી સદી).
-
વનડે ક્રિકેટ: ૮ વનડે મેચમાં ૧૦૪ રન (ઉચ્ચ સ્કોર: ૪૨).
વ્યાવસાયિક અને ફર્સ્ટ-ક્લાસ ક્રિકેટ રેકોર્ડ
-
ફર્સ્ટ-ક્લાસ: ૨૭૯ મેચની ૪૮૬ ઇનિંગ્સમાં ૧૮,૯૮૧ રન (૫૫ સદી અને ૭૭ અડધી સદી).
-
લિસ્ટ A: ૧૭૮ મેચમાં ૬,૨૬૪ રન (૧૦ સદી અને ૪૫ અડધી સદી).
-
T20: ૧૦૪ મેચની ૯૯ ઇનિંગ્સમાં ૩૨.૦૨ ની સરેરાશથી ૨,૫૯૪ રન.
-
અંડર-19: તેણે ૨૦૦૬માં અંડર-૧૯ વર્લ્ડ કપમાં દક્ષિણ આફ્રિકાની ટીમનું નેતૃત્વ કર્યું હતું.
