૩૦ વર્ષની ઉંમર વટાવ્યા બાદ શરીરમાં આવતા નાના-મોટા ફેરફારોને અવગણવાને બદલે નિયમિત હેલ્થ ચેકઅપ કરાવવું અત્યંત જરૂરી છે. ઘણી બીમારીઓ શરૂઆતમાં કોઈ ખાસ લક્ષણો દર્શાવતી નથી, પરંતુ સમયસરની તપાસથી બ્લડ પ્રેશર, કોલેસ્ટ્રોલ અને ડાયાબિટીસ જેવી સ્થિતિઓને પ્રારંભિક તબક્કે જ ઓળખી શકાય છે.
જોકે, ૩૦ની ઉંમરે દરેક વ્યક્તિ માટે તમામ મોંઘા ટેસ્ટ કે ફુલ-બોડી સ્કેન જરૂરી હોતા નથી. કયા ટેસ્ટ કરાવવા તેનો આધાર વ્યક્તિની જીવનશૈલી, વજન, પરિવારના મેડિકલ ઈતિહાસ અને ડૉક્ટરની સલાહ પર રહેલો છે.
નિયમિત તપાસ અને ટેસ્ટ અંગેના મુખ્ય મુદ્દાઓ:
-
બ્લડ પ્રેશર (BP) તપાસ: હાઈ બ્લડ પ્રેશરના ચોક્કસ લક્ષણો નથી હોતા, તેથી માત્ર માથાનો દુખાવો થાય ત્યારે નહીં પરંતુ નિયમિત ધોરણે BP માપવું જોઈએ.
-
લિપિડ પ્રોફાઈલ (કોલેસ્ટ્રોલ): હાઈ કોલેસ્ટ્રોલ માત્ર બ્લડ ટેસ્ટથી જ જાણી શકાય છે. પરિવારમાં હૃદયરોગ, ડાયાબિટીસ કે હાઈ કોલેસ્ટ્રોલનો ઈતિહાસ હોય તો આ ટેસ્ટ સમયાંતરે કરાવવો હિતાવહ છે.
-
બ્લડ સુગર અને HbA1c: બ્લડ સુગરથી વર્તમાન ગ્લુકોઝ લેવલ અને HbA1c થી છેલ્લા કેટલાક મહિનાના સરેરાશ સુગરની ખબર પડે છે. વધતું વજન કે ફેમિલી હિસ્ટ્રી ધરાવતા લોકો માટે આ ટેસ્ટ જરૂરી છે.
-
BMI અને કમરનો ઘેરાવો: માત્ર વજન નહીં પરંતુ ઊંચાઈ મુજબ BMI અને પેટની આસપાસની ચરબી (કમરનો ઘેરાવો) પણ સ્વાસ્થ્યના જોખમો સૂચવે છે.
-
તબીબી સલાહનું મહત્વ: વિના કારણ બધા જ ECG કે મોંઘા સ્કેન કરાવવાને બદલે ડૉક્ટર સાથે પરામર્શ કરીને પોતાની જરૂરિયાત મુજબનું જ હેલ્થ ચેકઅપ પ્લાન કરવું જોઈએ.
નિયમિત હેલ્થ ચેકઅપનો મુખ્ય હેતુ બીમારીઓની વહેલી ઓળખ કરીને ભવિષ્યના મોટો આરોગ્ય જોખમોથી બચવાનો છે.
