અક્ષય કુમાર માત્ર એક્શન અને કોમેડી માટે જ નહીં, પરંતુ સેટ પરની પોતાની મસ્તી અને પ્રૅન્ક માટે પણ જાણીતા છે. તેમના કો-સ્ટાર્સે અનેક વખત અક્ષયની આવી શરારતોના કિસ્સા શેર કર્યા છે, જેમાં બીજાના ફોનથી મોકલેલા પ્રેમભર્યા મેસેજ પણ સામેલ છે.
હુમા કુરેશીના ફોનથી એક્ટર્સને પ્રપોઝ
2017ની ફિલ્મ ‘જોલી એલએલબી 2’ના પ્રમોશન દરમિયાન હુમા કુરેશીએ અક્ષયની એક શરારતનો ખુલાસો કર્યો હતો. હુમાના જણાવ્યા મુજબ, અક્ષયે એકવાર તેનો ફોન લઈ લીધો હતો અને તેના ફોનમાંથી બોલિવૂડના 2-3 એક્ટર્સને લગ્નની ઈચ્છા અને ‘આઈ લવ યુ’ જેવા મેસેજ મોકલી દીધા હતા.
હુમાને બાદમાં આ વાતની જાણ થતાં અક્ષયની મસ્તીનો ભાંડો ફૂટ્યો હતો.
રિતેશના ફોનથી વિદ્યાને ‘આઈ લવ યુ’
ફિલ્મ ‘હે બેબી’ના શૂટિંગ દરમિયાન અક્ષયે રિતેશ દેશમુખ સાથે પણ આવો જ પ્રૅન્ક કર્યો હતો. અક્ષયે રિતેશનો ફોન લઈ લીધો અને તેમના ફોન પરથી વિદ્યા બાલનને ‘આઈ લવ યુ’નો મેસેજ મોકલી દીધો.
મજાની વાત એ હતી કે વિદ્યાએ પણ મેસેજનો જવાબ આપતાં કિસવાળી સ્માઈલી મોકલી હતી. બાદમાં રિતેશને ખબર પડી કે આ સમગ્ર ઘટના અક્ષયની શરારત હતી.
ત્રણ દાયકાથી વધુની સફળ કારકિર્દી
અક્ષયે 1991માં ‘સૌગંધ’થી બોલિવૂડમાં ડેબ્યૂ કર્યું હતું. ‘ખિલાડી’ બાદ તેની ઓળખ એક્શન સ્ટાર તરીકે બની અને તે ‘ખિલાડી કુમાર’ તરીકે લોકપ્રિય થયો.
ત્યારબાદ ‘હેરા ફેરી’, ‘મોહરા’, ‘ધડકન’, ‘ભૂલ ભુલૈયા’, ‘સિંઘ ઇઝ કિંગ’, ‘હાઉસફુલ’, ‘રાઉડી રાઠોડ’ સહિત અનેક હિટ ફિલ્મોમાં કામ કર્યું. એક્શન અને કોમેડી ઉપરાંત ‘એરલિફ્ટ’, ‘પેડમેન’, ‘મિશન મંગલ’, ‘કેસરી’ અને ‘ઓહ માય ગોડ 2’ જેવી ફિલ્મોમાં પણ તેની અલગ છાપ જોવા મળી.
અક્ષયને પદ્મ શ્રી અને ‘રુસ્તમ’ માટે નેશનલ ફિલ્મ એવોર્ડ સહિત અનેક સન્માનો મળ્યા છે.
