બોલિવૂડ અભિનેત્રી તૃપ્તિ ડિમરી અને પંજાબી સિંગર AP ઢિલ્લોન કેલિફોર્નિયાના ક્યુપર્ટિનોમાં યોજાયેલી Appleની iPhone 18 લોન્ચ ઈવેન્ટમાં પહોંચ્યા હતા. બંનેએ નવા iPhone 18 Proના ફીચર્સ નિહાળ્યા હતા.
Apple CEOએ સેલેબ્સને બતાવ્યા ફીચર્સ
ઈવેન્ટ દરમિયાન Appleના CEO જોન ટર્નસે તૃપ્તિ ડિમરી અને AP ઢિલ્લોન સાથે મુલાકાત કરી હતી. તેમણે બંનેને નવા iPhoneના ફીચર્સ અને ટેક્નોલોજી વિશે માહિતી આપી હતી. તૃપ્તિ રેડ કોટ અને ડેનિમમાં જ્યારે AP ઢિલ્લોન ગ્રે જેકેટમાં જોવા મળ્યો હતો.
iPhone Duoમાં ફોલ્ડેબલ ડિસ્પ્લે
Appleએ ઈવેન્ટમાં પોતાના પ્રથમ ફોલ્ડેબલ iPhone Duo સહિત કુલ 6 ડિવાઇસ રજૂ કર્યા. Duoમાં 5.4 ઈંચની કવર ડિસ્પ્લે અને ખુલ્યા બાદ 7.6 ઈંચની મેઈન સ્ક્રીન મળે છે. તેમાં ડ્યુઅલ-બેટરી સિસ્ટમ અને માત્ર eSIMનો સપોર્ટ આપવામાં આવ્યો છે.
ભારતમાં લાખોની કિંમત, ઓક્ટોબરમાં વેચાણ
iPhone Duoની શરૂઆતની કિંમત આશરે રૂ.3 લાખથી હોવાનું જણાવાયું છે, જ્યારે ટોપ મોડલ રૂ.4.50 લાખ સુધી જઈ શકે છે. ભારતમાં તેનું બુકિંગ 16 ઓક્ટોબર અને વેચાણ 23 ઓક્ટોબરથી શરૂ થવાનું છે.
Pro સિરીઝ સાથે AirPods અને Watch પણ લોન્ચ
Appleએ iPhone 18 સિરીઝમાં iPhone 18 Pro અને 18 Pro Max રજૂ કર્યા છે. તેમની શરૂઆતની કિંમત અનુક્રમે રૂ.1,64,900 અને રૂ.1,79,900 છે. આ ઉપરાંત AirPods 5, Apple Watch Series 12 અને Watch Ultra 4 પણ લોન્ચ કરવામાં આવ્યા છે.
